Monday, April 30, 2007

സംഗീതപ്പെരുമഴ

ഇപ്പം കേരളത്തില്‍ പാട്ടുകാരെ മുട്ടാണ്ട് നടക്കാന്‍ വയ്യ എന്നായിരിക്ക്‍ണൂ.
ചാനലായ ചാനലിലെല്ലാം സംഗീതോത്സവങ്ങള്‍, മത്സരങ്ങള്‍, ഡെപ്പാങ്കൂത്തുകള്‍...
മലയാളത്തില്‍ ഇന്നുവരെ ഇറങ്ങിയ സിനിമകളെല്ലാം പൌപ്പത്ത് പ്രാവശ്യം എല്ലാ ചാനലുകളും കൂടി കാണിച്ചിട്ടുണ്ടാവും.
പിന്നെ സമയം നിറക്കാന്‍ പാട്ടും പാട്ടു മത്സരങ്ങളും.
പാട്ട് സിനിമ, സിനിമ പാട്ട്, പാട്ട് സിനിമ
കല്പവൃക്ഷമായ തെങ്ങിന്റെ ഒരു ഭാഗവും കളയില്ല എന്ന പോലെയാണ് സിനിമയും പാട്ടും ചാനലില്‍ നിറയുന്നത്.
പാ‍ട്ട് തേങ്ങയായും പാട്ട് കരിക്കായും പാട്ട് കൊപ്രയായും പാട്ട് വെളിച്ചെണ്ണയായും പാട്ട് ഓലയായും പാട്ട് ഈര്‍ക്കിലിയായും പാട്ട് കൊതുമ്പായും പാട്ട് മച്ചിങ്ങയായും പാട്ട് പൂക്കുലയായും പാട്ട് പട്ടയായും (തെങ്ങിന്‍ പട്ട) പാട്ട് തടിയായും പാട്ട് പൊറ്റയായും ചാനലുകാര്‍ നമുക്കു മുന്നില്‍ അവതരിപ്പിക്കുന്നു.
ഒരു പാട്ടും ഒന്നരമില്യണ്‍ പരിപാടികളും.
മത്സരങ്ങള്‍ ആഹ!
ഗന്ധര്‍വ്വ സംഗീതം, ഐഡിയ സ്റ്റാര്‍ സിംഗര്‍, മൈനസ് ട്രാക്ക്, ലിറ്റില്‍ മാസ്റ്റര്‍, സൂപ്പര്‍സ്റ്റാര്‍, മൂസിക്കല്‍ ചെയര്‍, സരിഗമപ, പധനിസ ഗാ...
അപ്പം പറഞ്ഞു വന്നത് മത്സരാര്‍ത്ഥികളേ സഹിക്കാം...
ഈ ജഡ്‌ജിമാരെ സഹിക്കണ കാര്യം....
ഹെന്റ ദൈവമേ! ഞങ്ങള്‍ക്കായി അങ്ങ് ഈ സാധനങ്ങളെ ഏതു പാതാളത്തില്‍ നിന്ന് അവതരിപ്പിച്ചു പ്രഭോ?!
ഏതെങ്കിലും ചാനലില്‍ എപ്പളെങ്കിലും 3 വരി പാടിയതിന്റെ പേരില്‍ ജഡ്‌ജിയായ,
സംഗീത സാഗരം നീന്തിക്കടന്ന, സര്‍വ്വം തികഞ്ഞ ഈ മഹാ സംഗീതജ്ഞരുടെ അഭിപ്രായപ്രകടനങ്ങളുടെയും ഉപദേശങ്ങളുടെയും മുന്നില്‍ പകച്ചു നില്‍ക്കുന്ന പിഞ്ചു കുഞ്ഞുങ്ങളുടെ രൂപം സ്വപ്നത്തില്‍ പോലും എന്നെ വേട്ടയാടുന്നു.
ആകയാല്‍ ഒരു നിര്‍ദ്ദേശം മാത്രം.
പുതിയൊരു സംഗീത മത്സരം കൂടി നടത്തുക.
കുരുന്നു മക്കളും ഈ ജഡ്‌ജിമാരും മത്സരത്തില്‍ പങ്കെടുക്കട്ടെ.
ദക്ഷിണാമൂര്‍ത്തി സ്വാമിയും ഇളയരാജയും വിധികര്‍ത്താക്കളാകട്ടെ...
ജഡ്‌ജിമാരില്‍ പലരും ആദ്യറൌണ്ടില്‍ പുറത്തായില്ലെങ്കില്‍...
ദേ, ഈ സംഗീതപരിപാടി മുഴുവന്‍ റെക്കോഡ് ചെയ്ത് എന്നെ കാണിച്ചോളൂ...

23 comments:

Ziya said...

ഇപ്പം കേരളത്തില്‍ പാട്ടുകാരെ മുട്ടാണ്ട് നടക്കാന്‍ വയ്യ എന്നായിരിക്ക്‍ണൂ.
ചാനലായ ചാനലിലെല്ലാം സംഗീതോത്സവങ്ങള്‍, മത്സരങ്ങള്‍, ഡെപ്പാങ്കൂത്തുകള്‍...

എന്താ ചെയ്യണേ..

മുസ്തഫ|musthapha said...

എല്ലാം നല്ലതിന്...!

നടന്നതും, നടന്നുകൊണ്ടിരിക്കുന്നതും, നടക്കാനുള്ളതും - എല്ലാം - സമാധാനിക്കൂ കുഞ്ഞേ :)

സുല്‍ |Sul said...

നീ നല്ലവനാ സിയ :)

Unknown said...

'കുരുന്നു മക്കളും ഈ ജഡ്‌ജിമാരും മത്സരത്തില്‍ പങ്കെടുക്കട്ടെ.
ദക്ഷിണാമൂര്‍ത്തി സ്വാമിയും ഇളയരാജയും വിധികര്‍ത്താക്കളാകട്ടെ...
ജഡ്‌ജിമാരില്‍ പലരും ആദ്യറൌണ്ടില്‍ പുറത്തായില്ലെങ്കില്‍...
ദേ, ഈ സംഗീതപരിപാടി മുഴുവന്‍ റെക്കോഡ് ചെയ്ത് എന്നെ കാണിച്ചോളൂ... '

പകരം സിയാക്ക് ഞാന്‍ പാടിയ പാട്ട് കേള്‍പ്പിക്കാം എന്താ?:)

sandoz said...

നിന്റെ കൊച്ചിനെ നീ ഈ മത്സരത്തിനു വിടണ്ടാ...
തീര്‍ന്നില്ലേ....
വല്യ പാടായല്ലാ ഇത്‌...

ഈ പരിപാടീം കാണണ്ടാ....
നല്ല കരളലിയിക്കണ സീരിയല്‍ ഉണ്ടല്ലോ..

അഗ്രു പറഞ്ഞത്‌ കേട്ടില്ലേ.....
അമ്മ മനസ്‌ തീര്‍ന്നു....ഇനി നേരത്തേ ചോറു കിട്ടും എന്ന്....

പിന്നെന്തിന ഇതൊക്കെ കാണാണേ......
ഒന്നും പോരാഞ്ഞിട്ട്‌ ഉണ്ണിയാര്‍ച്ച വാളെടുത്തു എന്നും കേട്ടു.....
സിനിമകള്‍ അങ്ങനെ കാണാത്ത എന്റെ ഏക പ്രതീക്ഷ ഉണ്ണിയാര്‍ച്ചയായി അഭിനയിക്കുന്ന ആ മറുനാടന്‍ നടിയില്‍ ആണു......
കാത്തോളണേ മാത്രുഭൂമി പ്രോഡക്ഷന്‍സേ....

നിമിഷ::Nimisha said...

"ഏതെങ്കിലും ചാനലില്‍ എപ്പളെങ്കിലും 3 വരി പാടിയതിന്റെ പേരില്‍ ജഡ്‌ജിയായ,
സംഗീത സാഗരം നീന്തിക്കടന്ന, സര്‍വ്വം തികഞ്ഞ ഈ മഹാ സംഗീതജ്ഞരുടെ അഭിപ്രായപ്രകടനങ്ങളുടെയും ഉപദേശങ്ങളുടെയും മുന്നില്‍ പകച്ചു നില്‍ക്കുന്ന പിഞ്ചു കുഞ്ഞുങ്ങളുടെ രൂപം സ്വപ്നത്തില്‍ പോലും എന്നെ വേട്ടയാടുന്നു."

സിയാ ഈ പറഞ്ഞത് 100% ശരി തന്നെ. ഒരു ഗൌരവമാര്‍ന്ന വിഷയത്തെ സരസമായി, വളരെ നന്നായി സിയ അവതരിപ്പിച്ചിരിയ്ക്കുന്നു.

അനാഗതശ്മശ്രു said...

പുതിയ സിനിമയില്‍ ചെട്ടികുളങ്ങര ഭരണി നാളില്‍ എന്ന ഗാനം എഴുതിയവരെയും കേട്ടവരെയും ചെട്ടീ ചെട്ടീ എന്നു വിളിക്കുന്നതു കേട്ടോ?
തമ്പിയും അര്‍ജുനനും കേരലം വിടാന്‍ ഉദ്ദേശിക്കുന്നു.
പുതിയ ആ സംഗീതം ചൊട്ടാമുംബൈ യില്‍..

നിമിഷ::Nimisha said...

സാന്റ്റോസേ, നവ്യയെ വിട്ടിട്ട് ഇപ്പൊ ഉണ്ണിയാര്‍ച്ചയിലായി പ്രതീക്ഷ അല്ലെ? ഉറുമി ഒന്ന് വീശിയാല്‍ തല കാണില്ല സൂക്ഷിച്ചോ :) (സിയ ഓഫിന് മാപ്പ്)

ബയാന്‍ said...

പാട്ടു പാടിയുറക്കാം ഞാന്‍ താമരപ്പൂമ്പൈതലേ.....

sandoz said...

നിമിഷേ...
നവ്യയെ അങ്ങനെ വിടില്ല ഞാന്‍.....
പിന്നെ ഓരോ വാര്‍ഡിലും ഓരോ പ്രതീക്ഷ...
ഏത്‌ പ്രതീക്ഷയാണു അപ്രതീക്ഷിതമായി പ്രത്യക്ഷപ്പെടണത്‌ എന്നു പറയാന്‍ പറ്റില്ലല്ലോ......

ഓഫിനു മാപ്പ്‌ ചോദിക്കാനോ...
ഇവനോടാ...എന്റെ കൈസര്‍ ചോദിക്കും......[ദയവായി കൈസര്‍ ആരാ എന്ന് ചോദിക്കരുത്‌...]

ഏറനാടന്‍ said...

സിയാ അച്ചരം പതി സരിയാണാ പറഞ്ഞത്‌. ഉദാ:-

സംഗീതമേ അമരസല്ലാപമേ..

അതുപണ്ട്‌,

സംഗീതമേ കോമരസല്ലാപമേ

ഇതിപ്പോ.. എന്റെ വായില്‍ വന്നത്‌.

Ziya said...

വേണ്ട.
കൈസര്‍ ആരാന്നു പറയണ്ട.
നിനക്കില്ലേലും എനിക്കുണ്ടെടാ ഇത്തിരി ബഹുമാനമൊക്കെ...

sandoz said...

അതു ശരി.....
പ്രാന്തന്‍ പിച്ചാണ്ടിയോട്‌ ബഹുമാനമോ.......
എന്റെ വീടിന്റെയടുത്തുള്ള പ്രാന്തന്‍ പിച്ചാണ്ടിയെ ആണു നാട്ടുകാരും ഞാനും കൈസര്‍ എന്ന് വിളിക്കുന്നത്‌......

ചെറിയ വട്ടനു വലിയ വട്ടനോടുള്ള ബഹുമാനം...
അത്‌ മനസ്സിലാക്കാവുന്നതേയുള്ളൂ.....

സിയാ..കീപ്‌ ഇറ്റ്‌ അപ്‌...

കുട്ടിച്ചാത്തന്‍ said...

ചാത്തനേറ്:
ആകെ ശനിയും ഞായറുമാ വീട്ടില്‍ പോയാല്‍ ടിവി കാണാന്‍(നമ്മ ഇഷ്ടത്തിന്) അനുവാദം കിട്ടുക.
ആ സമയത്താ കേറി വരും ഈ കുന്ത്രാണ്ടം..


ഓഫ്:
ആ ബഹുമാനമാണോ സിയാ ഈ പ്രതിപക്ഷ ബഹുമാനം ന്ന് പറേണത്?

ഇന്‍ഡ്യാഹെറിറ്റേജ്‌:Indiaheritage said...

സിയ :) :):)

Rasheed Chalil said...

സിയാ ചിന്താവിഷ്ടനാവരുത്... അത് അനാവശ്യണ്.

Ziya said...

തമാശയാണെങ്കിലും ഞാന്‍ ചൂണ്ടിക്കാട്ടിയത് വാസ്തവമായ ഒരു സംഗതി അല്ലേ?
പങ്കെടുത്തവര്‍ക്കെല്ലാം നന്ദി

കപീഷ് said...

കൊള്ളാം.
ഇവറ്റകളെ രണ്ടു പറയേണ്ടത് തന്നെ ആയിരുന്നു.
നന്നായി

സാജന്‍| SAJAN said...

നമ്മളീ നാട്ടുകാരനല്ലേ..
ഒരു മലയാളം പ്രൊഗ്രാം പൂര്‍ണ്ണമായി കണ്ടിട്ട് വര്‍ഷങ്ങളായി,
എല്ലയിടത്തും കിട്ടുന്നത് ഏഷ്യാനെറ്റും അതിലെ കുറെ ചവര്‍ സീരിയലും..
അന്ന് നിര്‍ത്തിയതാ ടി വി കാണുന്ന പരിപാടി...
സിയാടെ ധാര്‍മിക രോഷം മന്‍സ്സിലാക്കുന്നു പക്ഷേ ലോകത്തിലുള്ള ഏത് പരിപാടിയെക്കാളും മോശമല്ലെ പ്രൈം ടൈമിലുള്ള ഈ സീരിയലുകള്‍!!!

Siju | സിജു said...

സത്യം

Unknown said...

മയിലിനെക്കൊണ്ട് പാട്ടു പാടിക്കുക,കുയിലിനെക്കൊണ്ട് നൃത്തംചെയ്യിക്കുക,തുമ്പിയെക്കൊണ്ട് കല്ലെടുപ്പിക്കുക എന്നിവയൊക്കെയാണ് ഈ ഷോകളില്‍ റിയാലിറ്റി.

വാണി said...

100% സത്യം..
എഴുതിയത് നന്നായിരിക്കുന്നു.

സുനിൽ കൃഷ്ണൻ(Sunil Krishnan) said...

സിയാ,

നിങ്ങൾ 2007ൽ എഴുതിയതിലെ ആശയങ്ങളും ആശങ്കകളും ഇപ്പോളും യാതൊരു മാറ്റവും ഇല്ലാതെ നിൽക്കുന്നു..ഇതിനെയാണു കാലാതിവർത്തിയായ എഴുത്ത് എന്ന് പറയേണ്ടത്..

നന്ദി!